قصيدة قمة في الروعة
(( يقول الكاتب ))
وقصتها كما سمعتها
الشاعر مطيري من السقيان من اهل الزلفي
والقصيده قالها حينما كان في المستوصف وكان عنده موعد في عياده الاسنان
وقال القصيده في زوجته
وكان يحبها حب شديد وطلقها بسبب مشاكل بين والده ووالد زوجته
وصادفها في مستوصف القمه وقال القصيده
وبعدها انتشر الخبر وعلم اخ زوجته وقام بارجاعها له
وهنا للي يبي يقراها كامله
صادفتها صــدفة بمـستوصــف القمّــــة *** بالعين راعيتهـا لحظـه وترعانـــي
شميت انا عطرها ويـابخـت مــن شمّـه *** يدوخ ويسكر ولو ماهـو بشربانــي
قــت اتــذكـر زمـانٍ فـــات والمّـــــــــه *** لاعـاده الله نصيـبٍ يـوم ودانــــــــي
هلت دموع العـيــون ولابـقــى همّــــــه *** مماجرالـي نسيـت آلام الأسنانـــي
معـها أخـوها رفع كـفــه علـى فمـــــه *** كنّـه يقـول الله الستـار ياقـانـــــــــي
نفـس الملامــح ويشـبـه دمــهـا دمـــــه *** سبحان ربٍ خلقهم دعـج الأعيانـي
يدري بحبي وتــــدري أمـــه وعمــــــه *** حال القدر بيننـا والحـب سلطانـــــــي
يبـكي ويمسح دمـوع عيــونـه بكــمــــه *** يبكي على شانها ويبكي على شانـي
والله يالولا الحيــاء والديــــن لأضمـــه *** وأسمعه شهقةٍ مـن قلـب شفقانـــي
الحب بلوى ومنـه النفـــس مهتمـــــــه *** وش حيلتي والغضي دمّي وشريانـي
جسمي يروح ويجي والقلب مـن يمــــه *** القلب عنـده يبيـه ولايبـي ثانــــــــي
أقـسـم بربــي وأنـا لي مــذهـب وذمــــه *** لأعيش حبه ولو حبه علـي جانــــي
شربت كأس الهوى ورويت من سـمــه *** مامت وارتحت ولاهو باللي أحيانــي
ضحك مع الناس والأحزان منضمــــــه *** كني سعيدٍ وأنـا مبلـي بالأحـــــــزان
عندي وصية وتالي الهـرج يايمّــــــــه *** الموت حقٍ على القاصي مع الدانـي
وإن صرت فوق النعش والناس ملتمه *** مروا على بيتها وتشـوف جثمانــــــي
قولوا لها الموت زم صويحبك زمّــــــه *** مامت حبه ولو هو بالنعـش بانــــــي
شلنـاه للمقبـرة وادعيلـه الرحمــــــــــه *** خوذي ثوابٍ وجودي له بالإحسانـــــي
يالله يالمقتـدر ياكـاشـف الغـمّـــــــــــــه *** تفرج لمـن حالتـه دومً بنقصانـــــــــي
[UR=http://up.jro7i.com]
[/URL]
الثلاثاء يونيو 10, 2008 9:29 pm
