" عيدك جنة "
يا بحر ...
جالك غريب الطبايع ... غريب البلاد
جاي لك حامل ... صديقه الوحيد
عوده الحزين .... وبيوتٍ من قصيد
على لسانه كلام كثير ... بعزفٍ جديد
بس خوف إنه من ثقل ... حمله تهرب امواجك لبعيد
يا بحر ..
جاي لك اليوم ... هاجر حزنه العنيد
بإحساس مكسورٍ ... يذوب بحر من جليد
يحرك بشوقه إحساسك ... من جديد
ليعود لحن عوده ... ونبض دمه للوريد
وعلى شطك يبتدي يعزف ... ترانيم وأنغام العيد
يا بحر ..
كافي تدلل علي لا الهجر ... طبعك ولا من طبعك الصد
خلني وخلك بهاليل الجميل ... نعزف على وتر هالعود
وعلى رمالك أغني غنوة ... شوق مذبوح للعنود
تحملها أمواجك لها بها لعيد ... بدمع فوق خدي طريد
مع باقة ورد فيها قلب ... عاشق بشطك وحيد
يا بحر ...
إحساسي لها ما هو غريب ... ولا بعزفي لها بشوق على هالعود
ولا هو لها بدمي ينبض ... ويسري بشرياني من جديد
من يوم دق هواها باب القلب ... وحرك فيني الوريد
ومن صار الشوق لها ... يوماً عن يومٍ يزيد
و صار الغلا بوصالي لها .. مقيد بوعدٍ ليوم الوعيد
يا بحر ...
كافي حزن ... ومن صمتك تجرد
ما هو بطبعك ولا بأمرك ... علي تتمرد
وما هقيت الهجر منك ..ولا انك تخون الوعد
ويا خوفي تكون ... نسيت ما بيني وبينك من عهد
ولا من طبع البشر ... خاذيت قسوتك والصد
يا همزة وصل ... ما بيني وبين الود
يا بحر ...
شوف وش كثر راح ... موجك ورد
وعلى رمال شطك ... وش كثر غنى العود
ومن شجى وشوق لحني ... بكت صخورك ودمعها تجمد
يوم جيتك حزين باكي ... ودمع عيني على خدي وحيد
بس اليوم جاي لك ... لكسر صمتك العنيد
واعزف لحن عشقٍ ... عاود للقلب نبض الوريد
يا بحر ....
لا تخلني أصرخ وأصيح .... مثل الطفل الوليد
خلك معي لنعزف... وننثر ونملا هالكون ورود
وعلى لحن شوقي تتراقص ... أمواجك وطيورك تعود
وعلى وجه القمر نرسم فرحة .... والنجوم بنورها تجود
وتضوي ليالي الفرح ... ويعود اللحن للعود
يغني للبتول بشوق ... ماله بدروبي حدود
اللي بوصفها عجزت القلوب ... ومن شهدها يتنفس الوجود
ومن عمرها عمري يطول ... ومن نفس روحها أنفاسي تزيد
يا بحر ...
وبيوم ميلاد عاشقها خلني وخلها ... نحتفل ويكون ثالثنا القمر يا العنود
وبعالي الصوت أصرخ وتصرخ ... ونقول عامكم سعيد ونحنا العيد
لكل البشر من أولهم لتاليهم .... و يجعل أيامهم كلها عيد
__________________
الخميس يوليو 17, 2008 9:55 am
